புக் மார்க் – 2

ஹாய் சுட்டீஸ்!

எல்லாரும் எப்டியிருக்கீங்க? இன்னிக்கு நாம ஒரு ஈசியான புக் மார்க் செய்ய கத்துக்கலாமா?

தேவையான பொருட்கள்:

செய்முறை:

• முதல்ல பூ, பட்டாம்பூச்சி மாதிரி உங்களுக்கு பிடித்தமான ஈசியான படம் ஒன்றை செலக்ட் செய்துக்கோங்க.

• நீங்க செலக்ட் செய்த படத்தை ஒரு அட்டையில் பத்து ரூபாய் நாணயம் அளவுள்ள வட்டத்துக்குள்ள வரைஞ்சு  வெச்சுக்கோங்க.

• ஒரு அட்டையில 16 செ. மீ. அளவு நீளத்துக்கு 2 செ. மீ. இடைவெளி விட்டு பக்கத்தில பக்கத்தில  இரண்டு இணை கோடுகள் (Parallel lines) போடுங்க.

• அந்த கோடுகளின் முடிவுல பத்து ரூபாய் நாணயம் அளவுள்ள வட்டத்தை ஒரு பாதி, கோடுகளின் ஒரு பக்கத்திலயும் மறு பாதி,  கோடுகளின் மறு பக்கத்திலயும் வர மாதிரி வரைஞ்சிக்கோங்க.

• இப்ப அந்த வட்டத்தையும் சேர்த்து அந்த கோடுகளை வெட்டிக்கோங்க.

• இப்ப நீங்க வெட்டிக்கிட்ட அட்டையில் இரண்டு முனையிலும் வட்டத்தின் ஒன்றை ஒன்று ஒத்துள்ள சரிபாதி உருவம் (Symmetrical) இருக்கும். அதை எதிர் எதிர் பக்கத்தில மடிச்சுக்கோங்க.  அந்த மடிப்பில் இரண்டு பாதியையும் இணைத்து பார்த்தா வட்டம் முழுமை அடையணும்.

• இப்ப அந்த இரண்டு சரி பாதி வட்டத்தையும் ஒண்ணா இணைக்கற  மாதிரி, ஏற்கனவே படம் வரைஞ்சி வெட்டி வெச்சிருக்கும் வட்டத்தை  சேர்த்து ஒட்டிடுங்க.

புக் மார்க் தயார்.

அன்னபூரணி தண்டபாணி

நான் ஒரு இல்லத்தரசி. என் மனவுளைச்சலையும் இறுக்கத்தையும் விரட்டும் முயற்சியாக என் எழுத்தார்வத்தைக் கெட்டியாகப் பிடித்துக் கொண்டிருக்கும் சராசரிப் பெண். இணையத்தில் சிறுகதைகளும் தொடர்கதைகளும் எழுதி வருகிறேன். இரண்டு தொடர்கதைகள் புத்தகமாக வெளி வந்துள்ளன. தினமலர் வாரமலரில் என் சிறுகதைகள் வெளி வந்துள்ளன. பல இணையதளங்கள் நடத்திய பல சிறுகதைப் போட்டி, கவிதை, கட்டுரை, செய்யுள் எழுதும் போட்டிகளில் பங்கு கொண்டு முதல் பரிசினை வென்றிருக்கிறேன்.