சிறார் நாவல்
ஆசிரியர்கள்:- ஸ்ரீராம் & மதிவதனி
வெளியீடு:- வானம் பதிப்பகம், சென்னை-89. +91 9176549991.
விலை:- ரூ 40/-
தற்காலத்தில் குழந்தைகளுக்காக குழந்தைகளே எழுதுவது அதிகரித்து வருகின்றது. இது வரவேற்க வேண்டிய நல்ல செய்தி. மாணவர் பா.ஸ்ரீராமும், அவர் தங்கை பா.மதிவதனியும் இணைந்து இச்சிறார் நாவலை எழுதியுள்ளனர்.
அர்ஜெண்டினா காட்டில் முயல் அளவுள்ள அதிசய எறும்புகள் உள்ளன. அதில் ஒரே ஒரு எறும்பின் தலையிலிருந்த கொம்பில், இரண்டு வைரங்கள் இருக்கின்றன. அந்தச் செய்தியைக் கேள்விப்பட்டு எட்டு நண்பர்கள் பிரேசில் நாட்டிலிருந்து அக்காட்டுக்குச் செல்கின்றார்கள்.

அந்த எறும்பு தலையிலிருந்த வைரங்களைக் கைப்பற்றிக் கொண்டு வந்து விற்றுப் பணக்காரராக வேண்டும் என்பது, அவர்கள் திட்டம். அவர்கள் அக்காட்டுக்குச் சென்று எறும்பைக் கண்டுபிடித்தார்களா? அந்த வைரத்தைக் கைப்பற்றினார்களா? முடிவில் நண்பர்கள் என்ன ஆனார்கள்? என்பதைச் சுவாரசியமாகவும், விறுவிறுப்பாகவும் இந்நாவல் விவரிக்கின்றது.
இந்த உலகம் மனிதருக்கானது மட்டுமல்ல, எல்லா உயிர்க்குமானது என்பதை இந்தக் குட்டிப் படைப்பாளர்கள் இந்த நாவலில் அழுத்தமாகச் சொல்லியுள்ளனர்.