கடலை ஓடு பறவைகள்

குழந்தைகளே, இன்னைக்கு நாம் அழகான ஜோடிப் பறவைகள் செய்யலாமா?

தேவையான பொருட்கள்

நிலக்கடலை ஓடுகள் – 2

தடிமனான அட்டை அல்லது தெர்மாகோல் அட்டை 1

வண்ணங்கள்

செய்முறை

அட்டையில், நீங்கள் விரும்பியவாறு மரங்கள் மற்றும் கிளைகள் வரைந்து கொள்ளுங்கள்.

அடுத்து, மரக்கிளையில், நாம் எடுத்து வைத்திருக்கும் நிலக்கடலை ஓடுகளை, எதிரெதிராக ஒட்டிக் கொள்ளுங்கள். அதாவது, இரண்டு பறவைகளும் பார்த்துக் கொண்டிருப்பதைப் போன்று ஒட்டிக் கொள்ளுங்கள்.

பறவைகளின் கண் மற்றும் அலகுகள் வரைந்து கொள்ளுங்கள். ஓட்டின் மேல் சிறு இறகும் வரைந்து கொள்ளுங்கள்.

இப்போது, அழகிய பறவைகள் தயார்.

செய்து பார்த்துவிட்டு, உங்கள் கருத்துக்களை பகிர்ந்து கொள்ளுங்கள்

குழந்தைகளே.

பி. தமிழ் முகில்

பிறந்து வளர்ந்தது எல்லாம் தமிழகத்தில். தற்சமயம் மணமாகி, கடந்த பத்து ஆண்டுகளாக வசிப்பது அமெரிக்கா. கவிதைகள் மீது மிகுந்த ஆர்வம் உண்டு”. பள்ளி நாட்களில் தொடங்கிய கவிதை வாசிக்கும் ஆர்வம், கொஞ்சம் கொஞ்சமாக ஆசிரியர்கள், நண்பர்களின் தூண்டுதலோடு வளர்ந்து வருகிறது. வாசிக்க பிடித்திருந்தபடியால், எழுதிப் பார்க்க ஒரு ஆவலுடன் துவங்கிய எழுத்துப் பயணம், இன்று கதை, கவிதை, கட்டுரை என்று தொடர்ந்து வருகிறது.