ஜீ பூம் பா… வரைந்திடு சீசேம்…

குழந்தைகளின் க்ரேயான் கலர் பென்சில் டப்பாவில், வெள்ளை நிறத்தில் ஒரு க்ரேயான் இருக்கும். அதை பெரும்பாலும் பயன்படுத்தி இருக்க மாட்டோம். அதை பயன்படுத்தி ஓர் அழகான ஓவியம் செய்யலாமா?

மறைந்திருக்கும் மர்மம் என்ன?

ஒரு வெள்ளை நிறக் காகிதத்தை எடுத்துக் கொள்ளுங்கள். அதில்  வெள்ளை  நிற க்ரேயான் கொண்டு ஏதேனும் எழுதுங்கள் அல்லது வரைந்து கொள்ளுங்கள். நீங்கள் வரைந்திருப்பது கண்களுக்குத் தெரியாது.

அதை எப்படிக் கண்டறிவது?

வாட்டர் கலர்  எடுத்துக் கொள்ளுங்கள். உங்களுக்கு விருப்பமான வண்ணத்தை எடுத்து, நீங்கள் க்ரேயான் கொண்டு வரைந்த காகிதத்தில் தீட்டுங்கள். இப்போது, நீங்கள் வெள்ளை நிற க்ரேயான் கொண்டு வரைந்த/எழுதியவை, கண்களுக்குப் புலப்படும்.

முயற்சித்துப்  பாருங்கள். ரசித்து  மகிழுங்கள்.

பி. தமிழ் முகில்

பிறந்து வளர்ந்தது எல்லாம் தமிழகத்தில். தற்சமயம் மணமாகி, கடந்த பத்து ஆண்டுகளாக வசிப்பது அமெரிக்கா. கவிதைகள் மீது மிகுந்த ஆர்வம் உண்டு”. பள்ளி நாட்களில் தொடங்கிய கவிதை வாசிக்கும் ஆர்வம், கொஞ்சம் கொஞ்சமாக ஆசிரியர்கள், நண்பர்களின் தூண்டுதலோடு வளர்ந்து வருகிறது. வாசிக்க பிடித்திருந்தபடியால், எழுதிப் பார்க்க ஒரு ஆவலுடன் துவங்கிய எழுத்துப் பயணம், இன்று கதை, கவிதை, கட்டுரை என்று தொடர்ந்து வருகிறது.