![thoorigai](https://poonchittu.com/wp-content/uploads/2022/01/thoorigai.jpg.webp)
![thoorigai](https://poonchittu.com/wp-content/uploads/2022/01/thoorigai.jpg.webp)
தூரிகையாம் தூரிகை
விதவிதமாய் தூரிகை
அழகழகாய் ஓவியங்கள்
வரையும் அந்த தூரிகை
வெள்ளை நிற காகிதத்தை
விருந்தாக்கும் தூரிகை
வண்ணங்களைக் கலந்தே
வானவில்லைக் காட்டும்
சின்னச் சின்னக் கோடுகளில்
புதிய உலகம் படைக்கும்
குட்டிக் குட்டி கைகளிலே
குதியாட்டம் போடும்
சுட்டிச் சுட்டி சிறுவர்களின்
சிறகை விரிக்க உதவும்
கனவுகளின் நளினத்தை
வண்ணங்களால் நிரப்பும்
எண்ணங்களின் செரிவை
எடுத்துரைக்க உதவும்
புரியாத பாடங்களை
எளிதாக விளக்கலாம்
புதிரான நிகழ்வுகளை
படம்வரைந்து தெளியலாம்
இரகசியங்கள் சிலதை
ஓவியமாய் மறைக்கலாம்
புதையல்களின் தடத்தை
பூடகமாய் அறியலாம்
நிற்காது ஓடும்
காலத்தைக் கட்டலாம்
இயற்கையின் அழகை
சிறைபிடித்து இரசிக்கலாம்
சித்திரத்தின் வழியே
சிகரங்களைத் தொடலாம்
சரித்திரத்தின் பக்கங்களை
எட்டிப்பார்த்து வரலாம்
ஓவியங்கள் மூலம்
வாழ்வதனை அறியலாம்
நிகழ்காலம் தீட்டி
நினைவுகளைச் சேர்க்கலாம்
வருங்காலத் தலைமுறைக்கு
வழிகாட்ட உதவலாம்
![cropped Birdy White BG](https://poonchittu.com/wp-content/uploads/2020/07/cropped-Birdy-White-BG.png.webp)
![cropped Birdy White BG](https://poonchittu.com/wp-content/uploads/2020/07/cropped-Birdy-White-BG.png.webp)
பொறியியல் பட்டதாரி, தற்சமயம் இல்லத்தரசி; இரு சிறார்களின் தாய்; இரண்டு அச்சு புத்தகங்கள் வெளியாகி இருக்கின்றன. என்னைச் சுற்றி நிகழும் சமூக நிகழ்வுகள் கதைகளாக உருப்பெருகின்றன. தொடர்ந்து வாசித்து எழுதி, என்னை நானே மேம்படுத்த முயன்று கொண்டிருக்கும் புதிய எழுத்தாளர் நான்.