யானைக்குட்டி

குறும்புக்கார யானைக்குட்டி
துறுதுறுத்த வாலுக்குட்டி
கும்மாளம்தான் போடும்
சும்மா சும்மா குதிக்கும்
அம்மா வாலைப் பிடிக்கும்
பின்னாலேயே நடக்கும்

குறும்புக்கார யானைக்குட்டி
துறுதுறுத்த வாலுக்குட்டி
சேற்றில் விழுந்து புரளும்
ஆற்று நீரில் குளிக்கும்
தும்பிக்கையைத் தூக்கும்
நீரைப் பீய்ச்சி அடிக்கும்

குறும்புக்கார யானைக்குட்டி
துறுதுறுத்த வாலுக்குட்டி
கிறுகிறுவென்று சுற்றும்
கீழே படுத்து உருளும்
குடுகுடுவென்று ஓடும்
சுற்றி வட்டம் அடிக்கும்
குறும்புக்கார யானைக்குட்டி
துறுதுறுத்த வாலுக்குட்டி

கீதா மதிவாணன்